تحریک انصاف نے کاغذات نامزدگی مسترد کرنے کیخلاف سپریم کورٹ سے رجوع کرنے کا اعلان کر دیا۔
تحریک انصاف کے مرکزی رہنما ڈاکٹر بابر اعوان نے اسلام آباد ہائیکورٹ میں میڈیا سے گفتگو کرتے ہوئے کہا ہے کہ آئین کسی کو بھی الیکشن لڑنے سے نہیں روکتا، یہاں لوگوں سے کاغذات نامزدگی چھینے گئے، 300 سے زائد کاغذات نامزدگی مسترد کیے گئے ہیں۔
ہمارا ایجنڈا ایک ، پیپلز پارٹی اور اے این پی کیساتھ اتحاد ہو سکتا ہے ، تحریک انصاف
بابر اعوان نے مزید کہا کہ ہم ان ہتھکنڈوں کے خلاف سپریم کورٹ جا رہے ہیں، ہر حال میں ہر قیمت پر تحریک انصاف الیکشن لڑے گی، یہی ہماری حکمت عملی تھی کہ ہر حلقے سے اپنا امیدوار کھڑا کیا جائے۔
انہوں نے کہا کہ ہائیکورٹ نے اجازت دے دی ہے ، بانی پی ٹی آئی خود ٹکٹ جاری کریں گے، امید ہے ، سپریم کورٹ سے ہمیں انصاف ملے گا۔