اسلام آباد اور پنجاب کے مختلف علاقوں میں شدید دھند کا سلسلہ جاری ہے جس کی وجہ سے فلائٹ آپریشن بھی متاثر ہے۔
غیر یقینی صورتحال کی وجہ سے آج مزید 24 پرواز منسوخ کر دی گئیں ، جبکہ ملکی اور غیر ملکی 100 سے زائد پروازوں کی آمدورفت میں تاخیر ہوئی۔
اسلام آباد، سیالکوٹ اور پشاور ائیرپورٹس پر پروازوں کی لینڈنگ ، ٹیک آف کیلئے غیر یقینی صورتحال ہے، تین دن میں 88 مقامی اور بین الاقوامی پروازیں منسوخ ہوئی ہیں۔
جرمنی میں شدید برفباری، معمولات زندگی متاثر، سینکڑوں پروازیں منسوخ
دبئی سے اسلام آباد کی پی آئی اے کی پرواز کراچی میں اتاری گئی جب کہ فلائٹ شیڈول کے مطابق نجی ائیر لائن کی جدہ سے اسلام آباد کی پرواز کو لاہور لینڈ کرایا گیا۔ اسلام آباد سے ابوظہبی، دبئی اسلام آباد، گلگت اسلام آباد، اسکردو ، کراچی ، ابوظبی اور دبئی سے پشاور کی پی آئی اے کی پروازیں منسوخ کر دی گئیں۔