پاکستان تحریک انصاف (پی ٹی آئی) کے ترجمان نے کہا ہے کہ ’تاحیات چیئرمین‘ عمران خان کے پارٹی اور پاکستان کے عوام کے نام پیغامات آئندہ صرف بیرسٹر گوہر ہی کے ذریعے پہنچائے جائیں گے۔پی ٹی آئی کے ترجمان رؤف حسن نے سنیچر کو ایکس (ٹوئٹر) پر اپنے بیان میں کہا کہ ’پارٹی بیرسٹر گوہر کے علاوہ کسی اور کے ایسے بیانات کی توثیق نہیں کرے گی۔‘انہوں نے مزید کہا کہ ’ان ہدایت کی خلاف ورزی کرنے والوں کے خلاف سخت تادیبی کارروائی عمل میں لائی جائے گی۔‘پی ٹی آئی کے ترجمان کا کہنا تھا کہ آج بیرسٹر گوہر علی خان کی پریس کانفرنس اسے لیے ایک دن کی تاخیر سے ہوئی کیونکہ یہ بہت ضروری تھا کہ کیس سے متعلق حقائق ’تاحیات چیئرمین‘ سے براہ راست جانیں جا سکیں۔‘PTI Press Conference today, addressed by Barrister Gohar Ali Khan, was delayed by a day because it was absolutely vital to get the facts of the case directly from Chairman-for-life Imran Khan. That is why Barrister Gohar met @ImranKhanPTI in jail today who apprised him of these…
— Raoof Hasan (@RaoofHasan) January 6, 2024
’اسی لیے آج بیرسٹر گوہر عمران خان سے ملے اور انہوں ان حقائق سے آگاہ کیا جو آج کی پریس کانفرنس میں سامنے لائے گئے۔‘کچھ عرصہ قبل پی ٹی آئی کے بانی عمران خان نے بیرسٹر گوہر علی خان کو تحریک انصاف کا چیئرمین کے امیدوار نامزد کیا تھا۔ پھر پشاور ہائی کورٹ کی جانب سے پی ٹی آئی کے انٹرپارٹی انتخابات کالعدم قرار دیے جانے کے بعد وہ اس عہدے پر برقرار نہیں رہے۔پی ٹی آئی کی جانب سے سنیچر اور اتوار کی درمیانی شب جاری کیے گئے نوٹیفیکشن کے مطابق آئندہ پارٹی کے پالیسی بیانات جاری کرنے کے مجاز بیرسٹر گوہر علی کے علاوہ عمر ایوب خان، شبلی فراز، رؤف حسن اور شعیب شاہین ایڈووکیٹ ہوں گے۔