اسلام آباد۔28جنوری (اے پی پی):سپریم کورٹ میں قومی اسمبلی کے سابق ڈپٹی سپیکر قاسم خان سوری کی رولنگ کو غیر آئینی قرار دینے کے خلاف نظرثانی درخواست سماعت کیلئے مقرر کر دی گئی ۔
عدالت عظمیٰ کی جانب سے جاری کاز لسٹ کے مطابق جسٹس سید منصور علی شاہ کی سربراہی میں جسٹس منیب اختر ،جسٹس امین الدین خان ، جسٹس جمال خان مندوخیل اور جسٹس اطہر من اللہ پر مشتمل سپریم کورٹ کا پانچ رکنی لارجر بینچ کل(پیر کو )نظر ثانی کی درخواستوں پر سماعت کرے گا۔