اسلام آباد۔28جنوری (اے پی پی):اتوار کو شروع ہونے والی اسلام آباد میراتھن میں مقامی اور بین الاقوامی اتھلیٹس سمیت تقریباً 2000 شرکا نے حصہ لیا ہے۔ایک نجی نیوز چینل کی رپورٹ کے مطابق میراتھن میں چار کیٹیگریز شامل تھیں جن میں مکمل اور ہاف میراتھن کے ساتھ ساتھ 5 اور 10 کلومیٹر کی دوڑیں شامل تھیں۔اس میں ایک خصوصی کڈز میراتھن بھی شامل تھی، جو کم عمر شرکا کو ریس میں شامل ہونے کا موقع فراہم کرتی تھی۔
منتظمین نے صحت مند طرز زندگی کو فروغ دینے اور بچوں میں جسمانی سرگرمیوں کی حوصلہ افزائی کے لیے اپنے عزم پر زور دیا۔میراتھنز نہ صرف پیشہ ور کھلاڑیوں کے لیے ایک پلیٹ فارم مہیا کرتی ہیں بلکہ صحت سے متعلق شعور اور سپورٹس مین شپ کے کلچر کو فروغ دیتے ہوئے کمیونٹی میں فٹنس اور فلاح و بہبود کو بھی فروغ دیتی ہیں۔