پاکستان کے مختلف علاقوں میں شدید بارش اور برفباری کا سلسلہ جاری ہے۔بدھ کو راولپنڈی اور اسلام آباد میں شدید بارش اور ژالہ باری ہوئی جبکہ مری اور گلیات سمیت ملک کے بالائی علاقوں میں برفباری کا سلسلہ بھی جاری ہے۔محکمہ موسمیات نے پیش گوئی کی ہے کہ اگلے چار دن ملک کے مختلف علاقوں میں بارش اور برفباری کا سلسلہ جاری رہے گا۔محکمہ موسمیات کے مطابق 31 جنوری سے دو فروری کے دوران گلگت بلتستان، کشمیر اور خیبر پختونخوا میں موسلا دھار بارش اور پہاڑوں پر برف برفباری کا امکان ہے۔پیشگوئی کے مطابق ’31 جنوری سے 4 فروری تک اسلام آباد میں بارش جبکہ مری اور گلیات میں بارش کے ساتھ ساتھ برفباری کا بھی امکان ہے۔ اس کے علاوہ پنجاب کےمختلف علاقوں میں بھی بارش کا امکان ہے۔‘خیال رہے کہ 28 جنوری کے بعد سے ملک کے مختلف حصوں میں بارش کا سلسلہ جاری ہے جبکہ بالائی علاقوں میں برفباری بھی ہو رہی ہے۔ٹریفک اپڈیٹ:- کوہ مریبوقت:- 09:15 بجے شبصورتحال و ہدایات:- pic.twitter.com/y6gCX7lEKF
— City Traffic Police, Rawalpindi (@ctprwp) January 31, 2024
محکمہ موسمیات کی جانب سے پہاڑی علاقوں کا سفر کرنے والوں کو محتاط رہنے کی ہدایت کی گئی ہے۔بدھ کو راولپنڈی ٹریفک پولیس نے بھی اپنے بیان میں کہا ’مری میں شدید برفباری ہو رہی ہے اس لیے سیاح غیر ضروری سفر سے گریز کریں۔‘#MurreeSnowAlert Heavy snowfall in Murree! Drivers, exercise extreme caution on the roads. Please avoid unnecessary travel, stay indoors if possible. If you must travel, use snow chains, maintain safe distances, and drive slowly with headlights on. #SafetyFirst
— City Traffic Police, Rawalpindi (@ctprwp) January 31, 2024
پولیس نے مزید کہنا تھا کہ ’اگر ان علاقوں کا سفر کرنا ہو تو سنو چینز لازمی استعمال کریں اور گاڑیوں کے درمیان فاصلہ رکھیں۔’