اسلام آباد۔31جنوری (اے پی پی):نگران وزیر خارجہ جلیل عباس جیلانی نے بدھ کو برسلز میں یورپین ایکسٹرنل ایکشن سروس کے سیکرٹری جنرل سٹیفانو سننینو سے ملاقات کی جس میں پاکستان اور یورپین یونین کے تعلقات پر اطمینان کا اظہار کیا گیا۔ترجمان دفتر خارجہ کے مطابق ملاقات میں عالمی اور علاقائی پیش رفت پر تبادلہ خیال کیا گیا۔ملاقات میں اسٹریٹجک انگیجمنٹ پلان (2019) کے تحت شعبوں میں تعلقات کو مضبوط بنانے اور تعاون کو مزید مضبوط کرنے پر اتفاق کیا گیا۔