برسلز۔2فروری (اے پی پی):نگران وزیر خارجہ جلیل عباس جیلانی نے بیلجیئم کی ہم منصب حدجہ لہبیب سے برسلز میں ملاقات کی اور دوطرفہ تعلقات کے فروغ بارے امکانات کا جائزہ لیا۔
جمعے کو دفتر خارجہ سے جاری بیان کے مطابق ملاقات کے دوران وزرائے خارجہ نے پاکستان اور بیلجیئم کے دوطرفہ تعلقات کے مثبت انداز پر اطمینان کا اظہار کرتے ہوئے تجارت، تعلیم اور عوامی سطح پر رابطوں کے فروغ اور دوطرفہ تعلقات کو مضبوط بنانے کے لیے مسلسل کوششوں و تعاون کی اہمیت پر اتفاق کیا۔ان کا کہنا تھا کہ باہمی خوشحالی کے لیے تعاون کی نئی راہیں تلاش کرنے کی ضرورت ہے۔