اسلام آباد۔2فروری (اے پی پی):اسلام آباد میں متعین غیر ملکی سفارت کاروں کو 5 فروری کے یوم یکجہتی کشمیر سے قبل بھارت کے غیر قانونی طور پر زیر قبضہ جموں و کشمیر کی صورتحال کے بارے میں جمعہ کو یہاں دفتر خارجہ میں بریفنگ دی گئی۔
دفتر خارجہ کے مطابق یوم یکجہتی کشمیر سے قبل ایڈیشنل سیکرٹری خارجہ (ایشیا اور بحرالکاہل) عمران احمد صدیقی نے اسلام آباد میں مقیم سفارت کاروں کو بھارت کے غیر قانونی طور پر زیر تسلط جموں و کشمیر میں ہونے والی پیش رفت سے آگاہ کیا۔انہوں نے مقبوضہ کشمیر میں صورت حال کے قانونی، سکیورٹی اور انسانی حقوق کے پہلوئوں پر روشنی ڈالی۔