پی ٹی آئی نے انتخابی نشان واپس لینے کے لئے ایک بار پھر سپریم کورٹ سے رجوع کر لیا ہے۔
تحریک انصاف نے بلے کا نشان واپس لینے کے فیصلے کے خلاف سپریم کورٹ میں نظرثانی اپیل دائر کر دی ہے۔
پشاور ہائیکورٹ کا فیصلہ کالعدم قرار، پی ٹی آئی سے بلا چھن گیا
سپریم کورٹ کے رجسٹرار آفس نے ڈائری نمبر الاٹ کردیا۔ تحریک انصاف کی جانب سے عدالت سے الیکشن کمیشن کا فیصلہ کالعدم قرار دینے اور بلے کا انتخابی نشان دینے کی استدعا کی گئی ہے۔
اپیل میں استدعا کی گئی کہ سپریم کورٹ اپنا 13 جنوری کا فیصلہ واپس لے، سپریم کورٹ نے انٹرا پارٹی الیکشن سے متعلق حقائق کا درست جائزہ نہیں لیا، موقف اختیار کیا گیا کہ الیکشن کمیشن نے انتخابی نشان واپس لے کر اختیارات سے تجاوز کیا۔