سیشن ججز کے اختیار کے تحت مقدمات کی ٹرانسفر سے متعلق کیس میں سپریم کورٹ نے لاہور ہائیکورٹ کا حکم معطل کردیا ہے۔ دورانِ سماعت سپریم کورٹ نے لاہور ہائیکورٹ کے فیصلے پر شدید برہمی کا اظہار کیا۔
سماعت کے دوران جسٹس مسرت ہلالی نے ریمارکس دیتے ہوئے کہا کہ متعلقہ جج لاہور ہائیکورٹ کی رجسٹرار بھی رہ چکی ہیں، اس کے باوجود ایسا حکم جاری ہونا باعثِ تشویش ہے۔
عدالتِ عظمیٰ نے کیس کی مزید سماعت ملتوی کرتے ہوئے فریقین کو نوٹس جاری کردیے ہیں، جبکہ لاہور ہائیکورٹ کے فیصلے پر عملدرآمد تاحکمِ ثانی روک دیا گیا ہے۔