اڈیالہ جیل میں قائم عدالت نے عوامی مسلم لیگ کے سربراہ شیخ رشید کے 9 مئی کے حوالے سے قائم مقدمات میں ضمانت کی درخواست پرسماعت 10 فروری تک ملتوی کر دی۔
عدالت نے ٹیکسلا میں درج تین مقدمات میں شیخ رشید کے جسمانی ریمانڈ اور انہیں پولیس حراست میں دینے کی استدعا بھی مسترد کردی۔
9 مئی واقعات، شیخ رشید کیخلاف واثق قیوم، صداقت عباسی اور عمر تنویر بٹ وعدہ معاف گواہ بن گئے
سماعت کے بعد میڈیا سے گفتگو کرتے ہوئے شیخ رشید نے کہا کہ میں نے پی ٹی آئی کے خلاف کوئی پریس کانفرنس نہیں کی ،پی ٹی آئی حمایت یافتہ امیدوار کے تین کروڑ روپے دے کر ٹکٹ لینے کے موقف پر آج بھی قائم ہوں، تین کروڑ روپے لے کر ٹکٹ دیا گیا جس کے شواہد موجود ہیں۔
انہوں نے مزید کہا کہ بانی پی ٹی آئی عمران خان سے جیل میں ملاقات نہیں ہوئی وہ دوسری جانب قید ہیں۔