لاہور۔8فروری (اے پی پی):مسلم لیگ (ن)کے قائد میاں نواز شریف نے کہا ہے کہ ملک کے مسائل حل کرنا ہیں تو ایک پارٹی کو اکثریت ملنا ضروری ہے۔
جمعرات کے روز لاہور میں ووٹ کاسٹ کرنے کے بعد میڈیا سے گفتگو کرتے ہوئے انہوں نے کہا کہ عوام گھروں سے نکلیں اور ووٹ کاسٹ کریں، انشااللہ مہنگائی کا خاتمہ ہوگا اور لوگ خوشحال زندگی بسر کرسکیں گے، یہی لوگوں کی تمنا ہے اور اس خواب کو پورا ہونا چاہیے۔انہوں نے کہا کہ ہمارے منشور میں سب چیزیں تفصیل سے لکھی ہیں کہ حقوق عوام کے دروازے تک پہنچنے چاہئیں اور ہم پہنچائیں گے۔مریم نواز کو وزیراعلیٰ پنجاب بنائے جانے کے سوال پر لیگی قائد نے کہا کہ پارٹی کے لئے مریم نواز اور شہباز شریف کی بڑی قربانیاں ہیں، مریم کا رزلٹ کے بعد فیصلہ ہوگا ، یہ پارٹی فیصلہ کرے گی، بلاشبہ شہباز شریف اور مریم کی پارٹی کے لیے بے پناہ جدوجہد ہے۔