اسلام آباد۔8فروری (اے پی پی):الیکشن کمیشن نے کہا ہے کہ پولنگ کا عمل مقررہ وقت شام 5 بجے ختم ہو گیا ہے، پولنگ سٹیشن کے احاطہ میں پہلے سے موجود ووٹر اپنا حق رائے دہی استعمال کر سکتے ہیں۔
جمعرات کو الیکشن کمیشن کی جانب سے جاری بیان کے مطابق ترجمان نے کہا کہ پولنگ کا عمل مقررہ وقت پر شام 5 بجے ختم ہو گیا تمام پولنگ سٹیشنز کے دروازے شام 5 بجے بند کر دیئے گئے۔ترجمان نے واضح کیا کہ جو ووٹر پولنگ سٹیشن کے احاطہ/حدود میں پہلے سے موجود ہیں وہ مقررہ وقت کے بعد بھی ووٹ کاسٹ کر سکتے ہیں۔