اسلام آباد۔8فروری (اے پی پی):عام انتخابات کے موقع پر الیکشن کمیشن کو معمولی نوعیت کی 76 شکایات موصول ہوئیں جنہیں فوری طور پر حل کر لیا گیا۔ جمعرات کو الیکشن کمیشن کے انچارج مانیٹرنگ کنٹرول سنٹر اسلام آباد ہارون شنواری کی جانب سے جاری بیان میں کہا گیا ہے کہ اب تک 76 شکایات موصول ہو چکی ہیں جن کو حل کر لیا گیا ۔شکایات معمولی نوعیت کی ہیں جن میں زیادہ تر کارکنوں کی آپس میں گرما گرمی اورلڑائی جھگڑے کی تھیں جس کو موقع پر قابو کر لیا گیا تھا اور پولنگ جاری کرا دی گئی تھی ۔