لاڑکانہ۔8فروری (اے پی پی):چیئرمین پاکستان پیپلز پارٹی بلاول بھٹو زرداری نے عام انتخابات 2024 کا اپنا ووٹ میجر مجاہد پرائمری اسکول نوڈیرو میں کاسٹ کیا۔اس موقع پر میڈیا سے بات چیت کرتے ہوئے چیئر مین پاکستان پیپلز پارٹی بلاول بھٹو زرداری نے کہا کہ عوام کے مستقبل کا فیصلہ ووٹ کی صورت میں عوام کے ہاتھ میں ہے۔
انہوں نے کہا کہ اپنا مینڈٹ کسی کو چوری کرنے نہیں دیں گے۔جس طرح عوام آج باہر نکلی ہے ووٹ کاسٹ کرنے کیلٸے تو ان شاء اللہ جیت پیپلز پارٹی کی ہی ہوگی۔چیئرمین پیپلز پارٹی بلاول بھٹو زرداری کے ووٹ کاسٹ کرنے کے موقع پر سیکیورٹی کے سخت ترین انتظامات کئے گئے تھے۔