پشاور۔ 21 فروری (اے پی پی):شیخ الحدیث حضرت مولانا محمد قاسم نے کہا ہے کہ تعلیم حاصل کرنے کا مطلب صرف سکول،کالج یونیورسٹی سے کوئی ڈگری لینا نہیں بلکہ اسکے ساتھ تمیزاورتہذیب سیکھنا بھی شامل ہے تاکہ انسان اپنی معاشرتی روایات اور قتدارکا خیال رکھ سکے،تعلیم وہ زیور ہے جو انسان کا کردارسنوراتی ہے۔
ان خیالات کا اظہارانہوں نے شیخ ملتون مردان میں انٹرنیشنل اسلامک سنٹر کے زیراہتمام پہلاسالانہ تقریب سے بطور مہمان خصوصی خطاب کرتے ہو ئے کیا،تقریب سے مولانا سجاد الحجابی نے دینی و تربیتی ماحول میں عصری علوم کی اہمیت پر بہت زوردیا اوراس حوالے سے انٹرنیشنل اسلامک سنٹر کی کوششوں کو سراہا، تقریب میں 2 حفاظ اور19 ناظرہ خوان کا ختم القرآن بھی ہوا،آئی آئی سی سکول سسٹم اورشعبہ قرآنک چلڈرن اکیڈمی کے بچوں نے بہت ہی احسن و منظم انداز سے اپنی سرگرمیاں دکھائی،تقریب میں انٹرنیشنل اسلامک سنٹر کے ڈائریکٹرحاجی عبداللہ قاضی کو ادارے کے سٹاف کی طرف سے شیلڈ دی گئی جبکہ مفتی حمزہ بیلی آف کراچی کو پروگرام منظم اندازسے چلانے اورپی ایچ ڈی مکمل کرنے پرادارے کی طرف سے شیلڈ توصیفی سند پیش کی کیں ۔