اسلام آباد۔21فروری (اے پی پی):سپریم کورٹ نے ریٹائرڈ یا مستعفی ججز کے خلاف سپریم جوڈیشل کونسل کی کارروائی جاری رکھنے یا نہ رکھنے پر فیصلہ سنا دیا۔
سپریم کورٹ نے اپنے مختصر فیصلے میں کہا کہ جج کی جانب سے استعفیٰ دینے سے سپریم جوڈیشل کونسل کی کارروائی نہیں رکے گی، مستعفی جج کے خلاف کارروائی جاری رکھنا جوڈیشل کونسل کا اختیار ہو گا۔سپریم کورٹ نے محفوظ شدہ فیصلہ 4-1 کے تناسب سے سنایا۔ جسٹس حسن اظہر رضوی نے اکثریتی فیصلہ سے اختلاف کیا۔