اسلام آباد۔22فروری (اے پی پی):وزارت مذہبی امور نے حضرت مجدد الف ثانی ؒکے عرس کی تقریبات میں شرکت کے خواہش مند پاکستانیوں سے مقررہ زیارت فارم کے ذریعے 29 فروری تک درخواستیں طلب کر لی ہیں ۔
وزارت مذہبی امور کے ترجمان کے مطابق حضرت مجدد الف ثانی کے عرس کی تقریبات بھارت کے شہر سرہند شریف میں 29 اگست سے 4 ستمبر تک ہوں گی ۔عرس میں شرکت کے خواہشمند پاکستانی وزارت مذہبی امور کے مقررہ فارم پر 29 فروری 2024 تک اپنی درخواستیں وزارت مذہبی امور کو ارسال کر سکتے ہیں ۔200 پاکستانی زائرین عرس کی تقریبات میں شرکت کے لیے منتخب کیے جائیں گے۔مقررہ تعداد سے درخواستیں زائد ہونے کی صورت میں قرعہ اندازی 28 مارچ 2024 کو وزارت مذہبی امور میں ہوگی ۔ پرانے زیارت فارم پر درخواستیں قابل قبول نہیں ہوں گی ۔