خیبر پختونخوا اسمبلی میں ڈپٹی اسپیکر کا عہدہ خاتون رکن اسمبلی کو دینے کا فیصلہ کیا گیا ہے۔
ذرائع کا کہنا ہے کہ چترال سے منتخب خاتون رکن اسمبلی ثریا بی بی نے ڈپٹی اسپیکر شپ میں دلچسپی ظاہر کی ہے، ڈپٹی اسپیکر شپ کا عہدہ ثریا بی بی کو دینے کا حتمی فیصلہ آج یا کل کیا جائیگا۔
خیبر پختونخوا اسمبلی کا اجلاس 28 فروری کو طلب
ذرائع نے مزید بتایا کہ پی کے 71 سے منتخب رکن صوبائی اسمبلی شیر علی آفریدی بھی ڈپٹی اسپیکر کے عہدے کے امیدوار ہیں ، بابر سلیم اور قاسم علی شاہ کے انکار کے بعد ثریا بی بی اور شیر علی آفریدی نے ڈپٹی اسپیکرشپ میں دلچسپی ظاہر کی۔
دوسری جانب خیبر پختونخوا میں اپوزیشن نے وزیرِ اعلیٰ کے لیے امیدوار لانے کا اعلان کر دیا ہے۔