اسلام آباد۔22اپریل (اے پی پی):سپیکر قومی اسمبلی سردار ایاز صادق کی قیادت میں پاکستان ایران پارلیمانی دوستی گروپ کے ایک وفد نے پیر کو یہاں ایران کے صدر ڈاکٹر سید ابراہیم رئیسی سے ملاقات کی۔
دفتر خارجہ کی جانب سے جاری بیان کے مطابق ملاقات کے دونوں فریقین نے ایران کی اسلامی مشاورتی اسمبلی اور پاکستان کی قومی اسمبلی کے درمیان باہمی اور بین الپارلیمانی یونین کے فریم ورک کے اندر تعاون کی اہمیت پر زور دیا۔انہوں نے دوطرفہ تعلقات کو تقویت دینے اور عوام سے عوام کے تعاون کو فروغ دینے کے لیے پارلیمانی پلیٹ فارم سے فائدہ اٹھانے پر اتفاق کیا۔