پاکستان میں منکی پاکس کا مشتبہ کیس رپورٹ

پاکستان میں منکی پاکس کا مشتبہ کیس رپورٹ ہوا ہے جس کی وزارت صحت نے بھی تصدیق کردی ہے۔

ترجمان وزارت صحت کا کہنا ہے کہ ایم پاکس کا کیس قومی ادارہ صحت میں تصدیق کیلئے بھیج دیا گیا ہے ،قومی ادارہ صحت اس کیس کی تشخیص کے بعد رپورٹ جاری کرے گا۔

منکی پاکس وائرس،ڈبلیو ایچ او نے دنیا بھر میں ایمرجنسی نافذ کردی

شہری کا تعلق خیبر پختونخوا سے ہے اور وہ خلیجی ملک سے واپس آیا تھا،اس سے ملاقات کرنے والوں کی تلاش بھی شروع کردی گئی ہے تاکہ ان کے نمونے حاصل کیے جائیں۔

علاوہ ازیں قومی ادارہ صحت نے ایم پاکس سے بچاؤ کی ایڈوائزری جاری کی ہے ،ایڈوائزری ڈبلیو ایچ او کی طرف سے کانگو اور افریقہ کے مختلف ممالک میں ایم پاکس کے بڑھتے کیسز کے پیش نظر عالمی ہنگامی صورتحال قرار دیے جانے پر جاری کی گئی ہے۔

انٹر نیٹ کبھی بھی سست نہیں ہونا چاہئے،پی ٹی اے سے 2 ہفتے کا ڈیٹا مانگ لیا، وزیر مملکت آئی ٹی

ایڈوائزری کے مطابق اب تک اس بیماری کے 122 ممالک سے 99،518 کنفرم کیسز جبکہ 208 اموات رپورٹ ہوئی ہیں۔