صبح سویرے شہر قائد کے مختلف علاقوں میں کہیں تیز تو کہیں ہلکی بارش کا سلسلہ جاری ہے۔
محکمۂ موسمیات کے مطابق، آج شہر میں موسم ابر آلود رہے گا اور بارش کا سلسلہ دن بھر جاری رہے گا۔
موسمی ماہرین کا کہنا ہے کہ، بحیرۂ عرب سے آنے والے بادلوں کی وجہ سے گزشتہ رات اور صبح ہلکی بارش ہوئی، اسکے علاوہ مزید برساتی بادل بھی شہر کی طرف بڑھ رہے ہیں۔ اور ہوائیں 20 کلو میٹر کی رفتار سے چل رہی ہیں۔
ساتھ ہی کراچی کے جنوبی علاقوں میں مزید ہلکی بارش متوقع ہے۔
محکمۂ موسمیات کے مطابق، شہر میں صبح کے وقت درجۂ حرارت 28 ڈگری سینٹی گریڈ جبکہ زیادہ سے زیادہ درجۂ حرارت 33 ڈگری سینٹی گریڈ رہنے کا امکان ہے۔