خیبرپختونخوا میں بھتہ خوروں کے ساتھ بھتہ دینے والوں کے خلاف نئی حکمت عملی طے کرلی گئی، بھتہ خوروں کے بعد بھتہ دینے والوں کیخلاف بھی کارروائی کا فیصلہ کیا گیا ہے۔
بڑی تعداد میں کنٹریکٹرز، مائنزلیز ہولڈرز اور کاروباری شخصیات سے متعلق بھتہ دینے کی اطلاع ہے، بھتہ د ینے وا لوں کا ڈیٹا مرتب کرکے سی ٹی ڈی کے ذریعے جامع کارروائی کی جائے گی۔
مراد سعید کا وزیر اعلیٰ سے رابطہ ہے نہ انتظامی معاملات میں مداخلت کر رہے ہیں ، بیرسٹر سییف
ذرائع محکمہ داخلہ کا کہنا ہے کہ بھتہ خوروں کی سرحد پار سے کالز اور پوائنٹ آف کنٹیکٹ کو ٹریس کرنے کا فیصلہ کیاگیا ہے، پوائنٹ آف کنٹیکٹ ٹریس کرنے کیلئے وفاق سے تیسری بار رابطے کا بھی فیصلہ کیاگیا۔
ذرائع کے مطابق پنجاب میں سی ٹی ڈی کو کال ٹریس اور پوائنٹ آف کنٹیکٹ تک رسائی حاصل ہے، فیصلوں کے باوجود وفاق نے بھتہ خوری کی روک تھام کیلئے ٹاسک فورس تشکیل نہیں دی۔