دبئی جو متحدہ عرب امارات کا ثقافتی اور معاشی مرکز ہے، دنیا کا بہترین اور جدید ترین شہر مانا جاتا ہے۔ دنیا بھر سے لوگ وہاں جانے، گھومنے اور روزگار تلاش کرنے کے خواہشمند ہوتے ہیں۔ اسے سیاحتی ہب بھی کہا جاتا ہے۔
یو اے ای جانے کے خواہشمند افراد:
یو اے ای گورنمنٹ مختلف مدت کے ویزے جاری کرتی ہے جن کے ذریعے پاکستانی اور دیگر غیر ملکی افراد متحدہ عرب امارات کا سفر کر سکتے ہیں۔
عموماً یو اے ای کی نتظامیہ جانب سے سیاحتی ویزہ 30 یا 60 دن کا جاری کیا جاتا ہے، اور یہ ویزہ کسی سیاحتی کمپنی یا وہاں موجود آپ کے دوست یا رشتہ دار کے توسط سے حاصل کیا جا سکتا ہے۔
یو اے ای وزٹ ویزا کے لیئے ضروری دستاویزات:
ایک عدد پاسپورٹ سائز تصویر
پاسپورٹ کی کاپی
چند ممالک کے شہریوں کے لیے شناختی کارڈ (عراق، پاکستان، ایران، افغانستان)
یو اے ای میں درست میڈیکل انشورنس
یو اے ای سے باہر جانے کا ٹکٹ یا اگلے ملک کے سفر کا ٹکٹ
ہوٹل کی ریزرویشن (بکنگ) یا رہائش کی تفصیلات
وزٹ ویزا کے لیے درخواست کیسے دی جائے؟
ویزے کے لیے اسپانسر کا متحدہ عرب امارات میں موجود ہونا ضروری ہے، جو آن لائن پلیٹ فارمز (جی ڈی آر ایف اے کی ویب سائٹ یا اسمارٹ ایپلیکیشن) کے ذریعے درخواست جمع کروا سکتا ہے۔
فیس برائے وزٹ ویزا اکتوبر 2024:
30 دن کے وزٹ ویزا کی فیس 200 درہم ہے، جس میں اضافی ویلیو ایڈڈ ٹیکس (5 فیصد) شامل کیا جائے گا۔
داخلی یو اے ای فیس: 500 درہم (اگر درخواست دہندہ یو اے ای کے اندر موجود ہو)