پیٹرولیم مصنوعات کی قیمتوں میں اضافے کے خلاف سال نو 2025 کا پہلا کیس لاہور ہائیکورٹ میں دائر کر دیا گیا۔
درخواست میں پیٹرولیم مصنوعات کی قیمتوں میں حالیہ اضافے کو لاہور ہائیکورٹ میں چیلنج کیا گیا ہے، متفرق درخواست جوڈیشل ایکٹوزم پینل کی وساطت سے اظہر صدیق ایڈووکیٹ نے دائر کی۔
درخواست موقف اختیار کیا گیا کہ حکومت نے 56 پیسے پیٹرول اور دو روپے 96 پیسے ڈیزل کی قیمتوں میں اضافہ کر دیا ہے، یہ اضافہ حقائق کے برعکس کیا گیا ہے۔
پیٹرول56 پیسے،ڈیزل2 روپے 96پیسے فی لیٹر مہنگا کردیا گیا
پیٹرولیم مصنوعات کی قیمتوں میں اضافہ کرنے کا حکومت کے پاس کوئی میکانزم نہیں، درخواست میں عدالت سے استدعا کی گئی کہ عدالت حالیہ پیٹرولیم مصنوعات کی قیمتوں میں اضافے کو کالعدم قرار دے۔