امریکی سائنسی ادارے نیشنل اوشینک اینڈ ایٹموسفیرک ایڈمنسٹریشن نے ٹائی ٹینک کے ملبے کی طرف سفر کے دوران تباہ ہونے والی آبدوز ٹائٹن کی آخری لمحوں کی ہولناک آڈیو جاری کر دی۔
20 سیکنڈ کی اس آڈیو میں ایک شدید پھٹنے کی آواز سنائی دیتی ہے، جس کے بعد ایک گونجتا ہوا شور بھی سنا جاتا ہے۔ یہ آوازیں مبینہ طور پر وہی ہیں جو ٹائٹن کی تباہی کے وقت پیدا ہوئیں جب آبدوز بحر اوقیانوس کی گہرائیوں میں غرق ہوئی۔
نیویارک پوسٹ کے مطابق، یہ ریکارڈنگ ایک مخصوص مورڈ پیوسیو ایکوسٹک سسٹم کے ذریعے حاصل کی گئی۔ یہ وہ وقت تھا جب اوشین گیٹ کی آبدوز تقریباً 900 میل دور پانی کے دباؤ میں پھنس گئی تھی۔
امریکی کوسٹ گارڈ نے اس آڈیو کو ٹائٹن کی پھٹنے کی آوازوں کے صوتی اخراج کا مجموعہ قرار دیا۔
یاد رہے کہ اوشین گیٹ کی تیار کردہ یہ آبدوز 18 جون 2023 کو ٹائی ٹینک کے ملبے کی طرف جاتے ہوئے حادثے کا شکار ہوگئی تھی، جس کے نتیجے میں کمپنی کے چیف ایگزیکٹو اسٹاکٹن رش، پاکستانی شہری شہزادہ داؤد اور ان کے بیٹے سلیمان داؤد، اور دیگر افراد ہیمش ہارڈنگ اور پال ہنری نارجیولیٹ جان کی بازی ہار گئے تھے۔
دھیرے دھیرے تلاش کے بعد آبدوز کا ملبہ دریافت کیا گیا، اور حکام نے بتایا کہ اس کے لاپتا ہونے کے فوراً بعد ہی اس کی تباہی کا امکان زیادہ تھا۔