بھارت کی مشہور ماڈل اور اداکارہ شيفالی جریوالا اچانک انتقال کر گئیں۔ ان کی عمر 42 سال تھی۔ بھارتی میڈیا رپورٹس کے مطابق شيفالی کو جمعہ کے روز ان کے شوہر اداکار پراگ تیاغی اور تین دیگر افراد نے ممبئی کے بیلوویو ملٹی اسپیشلٹی اسپتال پہنچایا، مگر اسپتال کے عملے نے تصدیق کی کہ وہ اسپتال لانے سے پہلے ہی دم توڑ چکی تھیں۔
اسپتال کے ایک اسٹاف ممبر نے ابتدائی رپورٹ میں بتایا: ’’شيفالی جریوالا کو جب لایا گیا تو وہ پہلے ہی وفات پا چکی تھیں، ان کے شوہر اور چند دیگر افراد ان کے ساتھ تھے۔‘‘
بھارتی میڈیا کے مطابق اداکارہ کی موت اچانک دل کا دورہ پڑنے سے واقع ہوئی. شیفالی کو اداکاری کے علاوہ بگ باس 13 میں شرکت سے شہرت ملی تھی.