معروف پاکستانی ٹی وی اینکر اقرار الحسن نے اپنی سیاسی پارٹی کا باقاعدہ آغاز کر دیا ہے۔ پارٹی کے نام اور جھنڈے کا اعلان لاہور پریس کلب میں کیا گیا۔ پارٹی کا نام عوام راج پارٹی رکھا گیا ہے اور جھنڈے میں پیلے رنگ کا ہلال اور ستارہ سرخ پس منظر پر بنایا گیا ہے۔
سوشل میڈیا صارفین نے اقرار الحسن کی پارٹی لانچ اور جھنڈے کے ڈیزائن پر طنز و مزاح کا طوفان برپا کر دیا ہے۔ کئی صارفین جھنڈے کو دیگر مختلف جھنڈوں کے امتزاج سے مشابہ قرار دے رہے ہیں جبکہ کچھ نے پارٹی کے نام عوام راج پر بھی طنز کیا۔
ایک صارف نے لکھا مسٹر اقرار خود یہ ثابت کر چکے ہیں کہ وہ ایک ریڈ فلیگ ہیں جبکہ ایک اور نے کہا یہ سوویت یونین کے جھنڈے جیسا لگتا ہے۔ ایک مداح نے اقرار الحسن کی مزاحیہ انداز میں تنقید کی کہ وہ بالکل مذاق ہیں ان کے سوا تین یا چار بیویاں، کون ان کے ساتھ ہوگا؟
مزید کچھ صارفین نے کہا کہ عوام راج پارٹی اس ملک میں کبھی نہیں آئے گی اور ایک نے اسے بھارتی سیاسی پارٹی جیسا نام قرار دیا جبکہ ایک اور نے جھنڈے کو ترکی کے جھنڈے جیسا قرار دیا۔