سوات کے علاقے چالیار خوازہ خیلہ میں مدرسہ کے طالب علم فرحان قتل کیس کے مرکزی ملزمان باپ بیٹا پکڑے گئے۔
ڈی پی او سوات محمد عمر خان کے مطابق طالب علم کو بہیمانہ تشدد سے قتل کرنے میں ملوث مرکزی ملزم قاری عمر اور اس کے بیٹے احسان کو گرفتار کرلیا گیا ہے۔ ڈی پی او نے بتایا کہ 21 جولائی کو ناخوشگوار واقعہ پیش آیا تھا جس میں ایک بچے کو تشدد کا نشانہ بنا کر قتل کردیا گیا تھا۔ واقعے میں ملوث 10 ملزمان موقع پر گرفتار کرلیے گئے تھے جبکہ مرکزی ملزمان فرار ہوگئے تھے جنہیں انتھک محنت کے بعد گرفتار کرلیا گیا۔
ڈی پی او کے مطابق دیگر تفصیل تفتیش کے بعد میڈیا کے ساتھ شیئر کریں گے، ملزم کے حوالے سے افواہوں رد کرتے ہوئے ڈی پی او نے کہا کہ ملزم کو کسی نے چھری ماری ہے اس میں کوئی حقیقت نہیں ہے۔ تفتیش کے بعد ملزمان کو میڈیا کے سامنے پیش کیا جائے گا۔