فیصل آباد کی انسداد دہشت گردی کی عدالت نے 9 مئی کے دو اہم مقدمات کا فیصلہ سنا دیا۔ جس میں عمر ایوب، شبلی فراز، زرتاج گل اور رکن قومی اسمبلی صاحبزادہ حامد رضا سمیت 108 ملزمان کو مختلف سزائیں سنائی گئیں۔
عدالت نے حساس ادارے پر حملے کے کیس میں 185 میں سے 108 افراد کو مجرم قرار دیتے ہوئے سزائیں سنائیں جبکہ دیگر 77 ملزمان کو بری کر دیا گیا۔ عدالت نے عمر ایوب، شبلی فراز، زرتاج گل اور صاحبزادہ حامد رضا کو 10 سال قید کی سزا سنائی۔
جنید افضل ساہی کو 3 سال قید کی سزا سنائی گئی جو اس مقدمے میں کسی بھی مجرم کو دی جانے والی سب سے کم سزا ہے۔سماعت کے دوران عدالت کے اندر اور باہر سیکیورٹی کے انتہائی سخت انتظامات کیے گئے تھے۔
عدالت نے سیال کاسترو، فواد چوہدری اور شاہ محمود قریشی کے صاحبزادے زین قریشی کو ناکافی شواہد کی بنیاد پر بری کر دیا۔