وفاقی حکومت نے پیٹرولیم مصنوعات کی نئی قیمتوں کا اعلان کردیا ہے، جس کے تحت پیٹرول کی فی لیٹر قیمت میں 7 روپے 54 پیسے کمی کر دی گئی ہے۔ قیمت میں کمی کے بعد پیٹرول اب 264 روپے 61 پیسے فی لیٹر دستیاب ہے۔
دوسری جانب ہائی اسپیڈ ڈیزل کی قیمت میں ایک روپے 48 پیسے فی لیٹر اضافہ کیا گیا ہے، جس کے بعد اس کی نئی قیمت 285 روپے 83 پیسے فی لیٹر مقرر کر دی گئی ہے۔
وزارتِ خزانہ کی جانب سے پیٹرول اور ڈیزل کی نئی قیمتوں کا باقاعدہ نوٹیفکیشن بھی جاری کر دیا گیا ہے، جو فوری طور پر نافذ العمل ہوگا۔