بالی وڈ سلیبرٹی دپیکا پاڈوکون سوشل میڈیا پر سب سے زیادہ فالو کی جانے والی مشہور شخصیات میں سے ایک ہیں، جن کے فالوورز کی تعداد 80 ملین سے تجاوز کر چکی ہے۔تاہم حال ہی میں اداکارہ کی جانب سے ایک ہوٹل چین کے ساتھ اشتراک میں پوسٹ کی گئی انسٹاگرام رِیل نے انٹرنیٹ پر تہلکہ مچا دیا ہے۔دپیکا پاڈوکون نے حال ہی میں سوشل میڈیا پر ایک رِیل شیئر کی، جو کہ ایک مشہور ہوٹل چین کے ساتھ ’پیڈ پارٹنرشپ‘ کا حصہ تھی۔
اس رِیل نے سوشل میڈیا پر غیر معمولی مقبولیت حاصل کی اور صرف 8 ہفتوں میں اسے 1.9 ارب (بلین) بار دیکھا گیا۔
انڈین ٹی وی چینل این ڈی ٹی وی کے مطابق یہ ایک سادہ سا پروموشنل ویڈیو تھا، جسے اب تک کی سب سے زیادہ دیکھی جانے والی انسٹاگرام رِیل قرار دیا جا رہا ہے۔دپیکا کے مداح اس ریل کی مقبولیت پر تبصرہ کر رہے ہیں۔ ایک صارف نے لکھا کہ ’دنیا کی سب سے زیادہ دیکھی جانے والی انسٹاگرام رِیل؟ ملکہ ہونے کی یہی تو وجہ ہے۔‘ایک اور صارف نے حیرت کا اظہار کرتے ہوئے لکھا کہ ’1.9 ارب؟ میں نے زندگی میں پہلی بار کسی ویڈیو کو اربوں میں جاتے دیکھا ہے۔‘
View this post on Instagram A post shared by दीपिका पादुकोण (@deepikapadukone)
ایک اور مداح نے لکھا کہ ایک ماہ میں 2 ارب ویوز حاصل کرنا تاریخی ہے۔ایک اور فین نے تبصرہ کیا کہ ’دنیا کی سب سے زیادہ دیکھی جانے والی انسٹاگرام رِیل، اور پہلی جس نے 2 ارب کا ہندسہ عبور کیا۔ اور یہ صرف ایک اشتہار ہے! اگر دپیکا کا اشتہار اتنا وائرل ہو سکتا ہے، تو اندازہ لگائیں کہ وہ کتنی آئیکونک شخصیت ہیں۔‘دپیکا پاڈوکون کو حال ہی میں ہالی ووڈ واک آف فیم میں 2026 کے لیے سٹار سے نوازے جانے کا اعلان بھی کیا گیا ہے۔ان کا نام اُن نمایاں شخصیات میں شامل کیا گیا ہے جنہیں ریکارڈنگز، فلم، ٹیلی ویژن، سٹیج پرفارمنس، اور سپورٹس انٹرٹینمنٹ میں خدمات پر اس اعزاز سے نوازا جائے گا۔