کمشنر کراچی سید حسن نقوی کی ہدایت پر بن قاسم ٹاؤن میں غیر قانونی طور پر ذخیرہ شدہ گندم کے 75000 تھیلے ضبط کرکے تین رائس ملز سیل کردیے گئے۔
اسسٹنٹ کمشنر، ڈی ایف سی ملیر اور پولیس انتظامیہ نے انٹیلی جینس بیسڈ آپریشن کیا۔ سلور رائس ملز، آصف رائس ملز اور ایس ای انٹرپرائزز پر چھاپہ مار کارروائی کی گئی اور تینوں رائس ملز کو ذخیرہ اندوزی کے جرم میں سیل کردیا گیا۔
کمشنر کراچی کے مطابق ضبط کیے گئے گندم کے 75000 ہزار تھیلے سیل کردیے گئے۔ شہر میں ذخیرہ اندوزی کے خلاف آپریشن کے لیے سخت احکامات جاری کردیے گئے ہیں۔