وفاقی دارالحکومت میں نیشنل سائبر کرائم انویسٹی گیشن ایجنسی کے ڈپٹی ڈائریکٹر آپریشنز محمد عثمان کو گن پوائنٹ پر اغواء کر لیا گیا۔ واقعہ اسلام آباد کے علاقے H-13 میں ان کے گھر کے باہر پیش آیا۔
تفصیلات کے مطابق مغوی افسر کی اہلیہ روزینہ عثمان کی مدعیت میں تھانہ شمس کالونی میں مقدمہ درج کر لیا گیا ہے۔ ایف آئی آر میں بتایا گیا ہے کہ چار نامعلوم مسلح افراد ایک گاڑی میں سوار ہو کر آئے اور محمد عثمان کو اغواء کر کے لے گئے۔
پولیس نے واقعے کی رپورٹ درج کر کے تحقیقات کا آغاز کر دیا ہے جبکہ شہر کے داخلی و خارجی راستوں پر سیکیورٹی سخت کر دی گئی ہے۔ قانون نافذ کرنے والے اداروں نے سی سی ٹی وی فوٹیج حاصل کر لی ہے اور اغواء کاروں کی شناخت کے لیے مختلف پہلوؤں سے تفتیش جاری ہے۔