پاکستان اور افغانستان میں طالبان کی افواج کے مابین سرحد پر متعدد مقامات پر فائرنگ کا تبادلہ ہوا ہے۔ طالبان کی وزارت دفاع کا دعویٰ ہے کہ افغان سرزمین پر پاکستانی فوج کی حالیہ کارروائیوں کے ردعمل میں سرحد پار پاکستانی فوج پر بڑے پیمانے پر جوابی حملے کیے گئے ہیں۔ جبکہ پاکستان کے عسکری ذرائعے نے اس کارروائی کا بھرپور جواب دینے کا دعویٰ کیا ہے۔
- پاکستان اور افغانستان میں طالبان کی افواج کے مابین سرحد پر متعدد مقامات پر فائرنگ کا تبادلہ دونوں جانب سے بھاری اسلحے کا استمعال کیا گیا۔
- تحریک لبیک پاکستان (ٹی ایل پی) نے لاہور سے اسلام آباد تک ’فلسطین ملین مارچ‘ اور اسلام آباد میں امریکی سفارتخانے کے باہر احتجاج کی کال دے رکھی ہے۔ مذہبی جماعت کا کہنا ہے کہ سنیچر کی شب مریدکے میں قیام کیا جائے گا
- ٹی ایل پی کے مارچ کے دوران پنجاب پولیس اور مظاہرین کے درمیان جھڑپوں میں درجنوں افراد کے زخمی ہونے کی اطلاعات ہیں
- وفاقی دارالحکومت اسلام آباد میں تحریکِ لبیک کے مارچ کے پیشِ نظر شہر کے داخلی اور خارجی راستے اور موبائل انٹرنیٹ سروس بند کر دی گئی ہے جبکہ راولپنڈی کی ضلعی انتظامیہ نے شہر میں 11 اکتوبر تک دفعہ 144 نافذ کر دی ہے
- وزیر مملکت برائے داخلہ طلال چوہدری نے کہا ہے کہ ریاست ’کسی جتھے کے ہاتھوں بلیک میل نہیں ہو گی۔ کوشش کی جا رہی ہے کہ طاقت کا استعمال نہ کیا جائے‘
- سنیچر کو ایک مشترکہ پریس کانفرنس کے دوران پی ٹی آئی کے رہنماؤں نے ڈی جی آئی ایس پی آر کے بیانات پر ردعمل دیتے ہوئے کہا کہ سہیل آفریدی کو ہر صورت خیبر پختونخوا کا نیا وزیر اعلیٰ بنایا جائے گا
افغان وزارت دفاع کے پاکستانی فوجی پوزیشنز پر حملوں جبکہ پاکستانی فوج کے ’بھرپور‘ جواب دینے کے دعوے، سرحد پر شدید فائرنگ
