سرحدی کشیدگی کے باعث پاک افغان بارڈر کی بندش سے پھلوں کی قیمتوں میں بے تحاشا اضافہ ہوگیا۔
طورخم بارڈر بند ہونے سے پشاور میں پھلوں کی قیمتیں بڑھ گئی ہیں۔ مارکیٹ ذرائع کا کہنا ہے کہ انگور کی فی کلو قیمت 400 سے بڑھ کر 800 روپے تک پہنچ گئی ہے جبکہ انار 300 سے بڑھ کر 600 روپے کلو ہوگیا ہے۔ اسی طرح سیب کی قیمت بھی دگنی ہوگئی اور اس وقت 400 روپے کلو فروخت کیا جارہا ہے۔
یاد رہے کہ دونوں ممالک کے درمیان سیز فائر ہوچکا ہے، بارڈر سے تجارت جلد بحال ہونے کی امید ہے جس کے بعد پھلوں سمیت دیگر اشیا کی قیمتیں کم ہوجائیں گی۔