امریکی محکمہ خزانہ نے ایران کے میزائل اور ڈرون سازی کے پروگرامز کے اجزا کی خریداری میں معاونت کرنے والے 32 افراد و اداروں پر پابندیاں عائد کردی ہیں۔
رائٹرز نے امریکی حکام کے حوالے سے بتایا کہ ان پابندیوں میں ایران اور دیگر ملکوں میں ایرانی بیلسٹک میزائل اور ڈرون پروگراموں کی حمایت کرنے والے 32 افراد اور ادارے شامل ہیں۔
ان پابندیوں کا مقصد عالمی سطح پر سپلائی نیٹ ورکس میں خلل ڈالنا ہے جو تہران کو میزائل پراپیلنٹ ، ڈرون کے اجزا اور فوجی ٹیکنالوجیز فراہم کرتے ہیں ۔وزارت کا کہنا ہےکہ ہدف بنائے گئے اداروں کے تمام اثاثے امریکا میں منجمد ہیں اور امریکیوں کو ان سے کسی بھی قسم کا معاملہ کرنے سے روک دیا گیا ہے۔