حکومت سندھ کی ہدایات کے بعد شہر میں ڈمپروں میں ٹریکر سسٹم کی تنصیب شروع کر دی گئی ہے تاکہ بھاری گاڑیوں کی مؤثر نگرانی اور ٹریفک نظم و ضبط میں بہتری لائی جا سکے۔
ڈمپر ایسوسی ایشن کے صدر لیاقت محسود کے مطابق اب تک 606 ڈمپروں میں ٹریکرز نصب کر دیے گئے ہیں اور ان کا کنٹرول ڈی آئی جی ٹریفک کراچی کے دفتر میں آئی ٹی برانچ کے حوالے کر دیا گیا ہے۔
ایسوسی ایشن کے مطابق کراچی میں ڈمپرز کو رات کے اوقات میں شہر کے اندر چلانے کی اجازت ہوگی جبکہ دن کے وقت یہ ڈمپر کورنگی، نیو کراچی، سائٹ ایریا، پورٹ قاسم اور کیماڑی پورٹ میں باقاعدہ چل سکیں گے۔
ڈمپروں کی زیادہ سے زیادہ رفتار 40 کلومیٹر فی گھنٹہ مقرر کی گئی ہے تاہم نادرن بائی پاس، سپر ہائی وے اور دیگر نیشنل ہائی ویز پر ڈرائیور اپنے معمول کے مطابق ڈمپر چلا سکتے ہیں۔