پاکستان پیپلز پارٹی اور وفاقی قیادت نے گورنر خیبر پختونخوا کی ممکنہ تبدیلی پر غور شروع کردیا ہے، اور موجودہ گورنر فیصل کریم کنڈی کو عہدے سے ہٹانے کا امکان زیرِ غور ہے۔
ذرائع کے مطابق نئے گورنر کے لیے چھ امیدوار پیش نظر ہیں، جن میں تین سیاسی اور تین سابق فوجی افسران شامل ہیں۔ سیاسی ناموں میں امیر حیدر خان ہوتی، آفتاب شیر پاؤ اور پرویز خٹک کے نام زیرِ غور ہیں۔
دوسری جانب فوجی پس منظر رکھنے والے امیدواروں میں لیفٹیننٹ جنرل (ر) خالد ربانی، لیفٹیننٹ جنرل (ر) غیور محمود اور لیفٹیننٹ جنرل (ر) طارق خان کے نام شامل ہیں، جن میں دو سابق I.G. F.C اور ایک سابق کور کمانڈر پشاور رہ چکے ہیں۔
فیصل کریم کنڈی نے میڈیا سے گفتگو کرتے ہوئے کہا ہے کہ انہیں تبدیلی کی کسی حتمی فیصلہ سے لاعلمی ہے، اور پارٹی کا جو فیصلہ ہوگا وہ قبول کریں گے۔