ترجمان پاک فوج لیفٹیننٹ جنرل احمد شریف چوہدری آج سہ پہر 3 بجے اہم پریس کانفرنس کریں گے جس میں ملک کی مجموعی سیکیورٹی صورتِ حال اور اہم دفاعی معاملات پر گفتگو کی جائے گی۔
آئی ایس پی آر کے مطابق ڈی جی آئی ایس پی آر پریس کانفرنس میں ملکی سیکیورٹی سے متعلق بریفنگ دیں گے جبکہ موجودہ داخلی اور سرحدی صورتحال پر بھی روشنی ڈالیں گے۔
ترجمان پاک فوج میڈیا بریفنگ کے بعد صحافیوں کے سوالات کے جوابات بھی دیں گے۔اہم پریس کانفرنس کے پیشِ نظر ملکی سیاسی و سیکیورٹی حلقوں کی نظریں اس بریفنگ پر مرکوز ہیں۔