اسلام آباد کی ڈسٹرکٹ اینڈ سیشن کورٹس میں سابق وزیرِاعلیٰ علی امین گنڈا پور کے خلاف آڈیو لیک کیس کی سماعت ہوئی، جس میں عدالت نے ان کے ناقابلِ ضمانت وارنٹ گرفتاری جاری کرتے ہوئے انہیں گرفتار کرکے پیش کرنے کا حکم دے دیا۔
ایڈیشنل ڈسٹرکٹ اینڈ سیشن جج نصر من اللہ نے کیس کی سماعت کی۔ عدالت میں علی امین گنڈا پور کے خلاف درج مقدمے میں نامزد شریک ملزم تو پیش ہوگیا، تاہم علی امین گنڈا پور کی غیر حاضری کے باعث فردِ جرم عائد کرنے کی کارروائی مؤخر کر دی گئی۔
عدالت نے کیس کی مزید سماعت 20 جنوری تک ملتوی کرتے ہوئے پولیس کو حکم دیا کہ علی امین گنڈا پور کو گرفتار کرکے پیش کیا جائے۔ سابق وزیرِاعلیٰ کے خلاف یہ مقدمہ تھانہ گولڑہ میں درج ہے۔