ادارہ امور حرمین شریفین نے مسجد نبوی میں روضہ رسول ﷺ کی زیارت اور ریاض الجنہ میں نوافل کی ادائیگی کے نئے اوقات کار کا اعلان کر دیا۔
ادارہ کے مطابق نئے اوقات کے تحت مرد زائرین کے لیے زیارت کا وقت شب 2 بجے سے نماز فجر تک اور دن 11 بجے سے عشاء تک ہوگا جبکہ خواتین زائرین کے لیے زیارت کا وقت فجر کے بعد سے دن 11 بجے اور عشاء کے بعد رات 2 بجے تک ہوگا۔
ادارہ امور حرمین شریفین نے مزید بتایا کہ مرد زائرین نماز جمعہ کے بعد سے عشاء تک زیارت کر سکیں گے اور خواتین زائرین جمعہ کو نماز فجر کے بعد سے صبح 9 بجے تک زیارت کر سکیں گی۔
یہ اوقات کار زیارت اور نوافل کی ادائیگی میں آسانی اور انتظامات بہتر بنانے کے لیے مرتب کیے گئے ہیں۔