پاکستان نے ناروے کے سفیر کی عدالتی کارروائی میں غیر ضروری شرکت کو ملکی داخلی معاملات میں مداخلت قرار دیتے ہوئے سخت احتجاج ریکارڈ کرا دیا ہے۔
وزارتِ خارجہ نے ناروے کے سفیر کو ڈیمارش جاری کرتے ہوئے واضح کیا کہ سپریم کورٹ میں ایمان مزاری کیس کی سماعت میں ان کی موجودگی ویانا کنونشن 1961 کی خلاف ورزی ہے۔
سفیر کو دیے گئے احتجاجی مراسلے میں کہا گیا کہ سفارتی عملے پر لازم ہے کہ وہ میزبان ملک کے قوانین اور ضابطوں کا احترام کرے اور کسی بھی صورت میں پاکستان کے داخلی معاملات میں مداخلت سے گریز کرے۔
وزارتِ خارجہ نے معاملے پر گہری تشویش کا اظہار کرتے ہوئے سفیر کی موجودگی کو دانستہ مداخلت کے مترادف قرار دیا ہے۔