وزیر داخلہ سندھ ضیاء الحسن لنجار نے کہا ہے کہ بالائی سندھ کے سردار فیصلہ کریں ورنہ آپریشن ناگزیر ہوگا۔
ٹنڈو محمد خان بخاری ہاؤس میں صوبائی وزیر داخلہ ضیاء الحسن لنجار نے پریس کانفرنس کرتے ہوئے کہا کہ عوامی مسائل سن کر فوری تدارک ہماری ترجیح ہے، سندھ بھر میں ہر ماہ کھلی کچہری منعقد کی جائے گی۔
انھوں نے کہا کہ کراچی میں ایک سال میں جرائم کی شرح میں 37 فیصد کمی ہوئی، کچے کے علاقوں میں ہتھیار ڈالنے والے ڈاکو قومی دھارے میں شامل
ہوئے، جبکہ مزید ڈاکو بھی ہتھیار ڈالنے کے لیے تیار ہیں، جس سے تبدیلی کی امید کی جارہی ہے۔
انھوں نے کہا کہ پولیس جرائم پیشہ عناصر کے خلاف بہادری سے کارروائیاں کر رہی ہے، صوبے میں امن و امان کی صورتحال بہتر ہو رہی ہے، گھوٹکی اور کشمور میں ڈاکوؤں کے خلاف بھرپور آپریشن کی تیاری ہے۔ بالائی سندھ کے سردار فیصلے کریں ورنہ آپریشن ناگزیر ہوگا۔