کراچی کے علاقے ڈیفنس میں ایک فلیٹ سے چور وں نے 80 تولے سونا، 9 لاکھ روپے نقدی اور دیگر قیمتی سامان سمیت چوری کر لیے۔
پولیس کے مطابق متاثرہ خاتون بیوٹی پارلر میں کام کرتی ہیں اور ان کی غیر موجودگی میں یہ واردات انجام دی گئی۔ فلیٹ کے باہر نصب سی سی ٹی وی کیمرے میں خاتون کے دو واقف کار افراد کو آتے ہوئے دیکھا گیا جنہیں خاتون نے ملزمان کے طور پر نامزد کیا ہے۔
تھانہ کلفٹن میں مقدمہ درج کر کے پولیس نے تحقیقات کا آغاز کر دیا ہے اور ملزمان کی تلاش جاری ہے۔ پولیس حکام کا کہنا ہے کہ سی سی ٹی وی فوٹیج اور دیگر شواہد کی روشنی میں جلد گرفتاریاں متوقع ہیں۔