پاکستان اقتصادی استحکام اور خوشحال مستقبل کی جانب تیزی سے گامزن ہے جہاں اسپیشل انویسٹمنٹ فیسلیٹیشن کونسل کی تدبیری حکمتِ عملی کے تحت ملک میں سرمایہ کاری کے نئے دور کا آغاز ہو چکا ہے۔
ذرائع کے مطابق عالمی سطح کی بڑی کمپنیوں جیسے گوگل، بی وائی ڈی، ارامکو، سامسنگ اور ایپل نے پاکستان میں اپنی سرمایہ کاری کے حجم میں نمایاں اضافہ کیا ہے، جس سے ملکی معیشت میں اعتماد کی بحالی کے آثار نظر آ رہے ہیں۔
اسی سلسلے میں عارف حبیب کنسورشیم نے ای پی اے اے میں 135 ارب روپے کی سرمایہ کاری کی ہے جبکہ جاز میں 155 ارب روپے اور ٹیلی نار پاکستان میں 108 ارب روپے کی سرمایہ کاری کی جا چکی ہے۔
ماہرین کے مطابق یہ اقدامات پاکستان میں سرمایہ کاروں کے بڑھتے ہوئے اعتماد اور معیشت کی بحالی کی واضح علامت ہیں، جو ملک کو پائیدار ترقی اور خوشحالی کی جانب لے جا رہے ہیں۔