حکومتِ پاکستان نے پاکستان انٹرنیشنل ایئرلائنز (PIA) کی نجکاری کے عمل کے دوران بڑا فیصلہ کرتے ہوئے قومی ایئر لائن کا نام تبدیل کر کے ایئر پاکستان (Air Pakistan) رکھنے کی منظوری دے دی ہے۔
ذرائع کے مطابق نام کی تبدیلی کے ساتھ ایئر لائن کے لوگو، جہازوں کے رنگ اور مجموعی ڈیزائن میں بھی تبدیلی کی جائے گی تاکہ اسے بین الاقوامی معیار کے مطابق ایک نئی اور جدید شناخت دی جاسکے۔ اس اقدام کا مقصد ایئر لائن کے ماضی کے مالی بحرانوں اور منفی تاثر کو ختم کر کے اسے ایک منافع بخش اور قابلِ اعتماد ادارہ بنانا ہے۔
حکام کا کہنا ہے کہ سرکاری دستاویزات اور قانونی رجسٹریشن میں "ایئر پاکستان" کے نام سے اندراج کا عمل شروع کردیا گیا ہے، جبکہ آئندہ دنوں میں تمام طیاروں پر نیا نام اور لوگو نمایاں طور پر نظر آئے گا۔
حکومتی حلقوں کے مطابق برانڈنگ میں یہ تبدیلی نجکاری کے عمل کو مؤثر بنانے اور سرمایہ کاروں کا اعتماد بحال کرنے کی حکمتِ عملی کا اہم حصہ ہے۔