نیب کورٹ کراچی میں بحریہ ٹاؤن کے خلاف منی لانڈرنگ ریفرنس کی سماعت ہوئی، اس دوران مال آف اسلام آباد کو عدالتی حکم پر ضبط کرنے سے متعلق رپورٹ عدالت میں پیش کردی گئی۔
نیب حکام نے مال آف اسلام آباد کے چھ حصے داروں کی جانب سے دائر درخواستوں پر اپنے اعتراضات بھی عدالت میں جمع کروادیے۔ رپورٹ میں بتایا گیا کہ عدالتی احکامات متعلقہ مقامات پر آویزاں کردیے گئے ہیں۔
سماعت کے دوران درخواست گزاروں نے موقف اختیار کیا کہ انہیں اس ریفرنس میں فریق بنایا جائے۔ نیب کے مطابق اس ریفرنس میں ملک ریاض، ان کے بیٹے اور دیگر افراد بطور ملزمان شامل ہیں۔