مقامی عدالت میں ایمان مزاری اور ان کے شوہر ہادی علی چٹھہ کے خلاف متنازع ٹویٹس کے مقدمے کی سماعت ہوئی۔ عدالت نے ملزمان کی عدم گرفتاری پر سخت برہمی کا اظہار کیا اور ڈی آئی جی آپریشنز کو ذاتی حیثیت میں طلب کر لیا۔
سماعت کے دوران عدالت نے استفسار کیا کہ ملزمان کو گرفتار کر کے عدالت میں پیش کیوں نہیں کیا گیا، جس پر ڈائریکٹر ایف آئی اے کو بھی ذاتی حیثیت میں طلب کیا گیا۔
کیس کی سماعت کے دوران سرکاری وکیل نے ملزمان کی جانب سے دفعہ 342 کے تحت جواب عدالت میں جمع کرایا۔ این سی سی آئی اے کے پراسیکیوٹر عدالت میں پیش ہوئے، تاہم ایمان مزاری اور ہادی علی چٹھہ اس موقع پر غیر حاضر رہے۔عدالت نے کیس کی مزید سماعت آئندہ تاریخ تک ملتوی کر دی۔